अनागोंदी
अनागोंदी म्हणजे अव्यवस्थित, पोकळ (कारभार).
अनागोंदी हे कर्नाटकातल्या एका गावाचे नाव आहे. ते पूर्वी विजयनगरच्या हिंदू साम्राज्याच्या राजधानीचे शहर होते. तेथील राजाचा जमाखर्च ( विशेष करुन सणासुदीच्या दिवशी पूजा करायचा वगैरे) भरमसाट अशा कपोल-कल्पित रकमांचा केलेला असे. जमा-खर्चाचे आकडे बरेच फुगवून लिहिलेले असत; त्यावरून पोकळ कारभाराला हा शब्द रूढ झाला. असे पोकळ जमा-खर्च / कारभार पुष्कळ दरबारांत करत असत.
कानडीत 'अन' म्हणजे हत्ती आणि 'गोंदी' म्हणजे गल्ली. छोट्या गल्लीतून हत्ती जाऊ शकेल एवढी जागा आहे असे भासवणे तसेच जमा- खर्च फुगवून सांगणे असे हा शब्द सूचित करतो.
संदर्भ: मराठी व्युत्पत्ति कोश- कृ पां कुलकर्णी
- नेहा लिमये
No comments:
Post a Comment