आमूलाग्र
‘अंतर्गत प्रश्नांचे रूप पाहाता, आता आपले एकूण धोरण आमूलाग्र बदलण्याची आवश्यकता आहे, असे नाही का आपल्याला वाटत?' या वाक्यात आमूलाग्र असा शब्द आलेला आहे.
या शब्दाचे तीन घटक आहेत, आ-मूल-अग्र. मूल हा शब्द मराठीत मूळ असा होऊन आलेला आहे. जमिनीवर झाड उभे असते, त्याचे मूळ जमिनीत असते, ते मूल. अग्र म्हणजे वरचे टोक; झाडाचा शेंडा. ‘आ’ म्हणजे ‘पासून’ आणि ‘पर्यंत'ही. मुळापासून तो शेंड्यापर्यंत, असा अर्थ देणारा हा शब्द आहे – आमूलाग्र. म्हणजे संपूर्ण, एखाद्याच भागाचा विचार न करता समग्रपणे सर्व गोष्टींचा विचार करून.
हा शब्द अमूलाग्र, अमुलाग्र, आमुलाग्र असा लिहिणे चुकीचे आहे.
- नेहा लिमये
1 comment:
खूप उपयुक्त . नेमकं आणि महत्वाचं असं वाचनीय . उत्सुकतेनं खूप वाचून काढलं .ब्लाॅगची गरज होतीच .अभिनंदन आणि धन्यवादही .
Post a Comment