अपूर्ण-पूर्ण

अपूर्ण.......... 

पावसाविना पागोळीचा थेंब… 
ओसाड माळावर बहरलेला हिरवा चाफा… 
लेखणीतून कागदावर टिपलेला शाईचा ओघळ…. 
सहाणेवर उगाळून लेपल्यानंतर मागे उरलेलं चंदन…. 
'आशा' नसलेली 'गुलामअली' ची गझल….. 
कवितेची शेवटची (अव्यक्त) ओळ……………. 
कुंद हवा, बेभान वारा आणि पावसासाठी आसुसलेली मी…………………..

पूर्ण !!!

भर उन्हातलं गुलमोहराच झाड !
पहाटेच्या दवात न्हालेला पारिजात !
तानपुऱ्याच्या गर्भातून उमटलेला षड्ज !
वहीत वर्षानुवर्ष जपून ठेवलेलं पिंपळपान !
गंध वेडी बहरलेली रातराणी !
मिट्ट अंधारात देवघरातल्या निरांजनाचा प्रकाश !
समुद्र, सूर्यास्त आणि ‘फक्त’ मी !!!!!!!!!!!!!!!!!!!!!!!

- नेहा