मनाच्या निर्वात पोकळीत
जपलेले काही क्षण
जेव्हा मुजोर होतात
तेव्हा त्यांना खुशाल
स्वतःच बोट धरून
एक निर्जन बेटावर सोडून यावं
कुणी सांगावं....
देहाच्या सांदी-कोपऱ्यात
एक मिणमिणती पणती
निश्चल उभी असेल
येणाऱ्या क्षणांना
'इथे अजून उजेड आहे'
हे कळण्यासाठी !
- नेहा लिमये
#randomthoughts
दर्या
निळेशार पाणी, रुपेरी किनारे
शंख शिपल्यांचे, बिलोरी मनोरे
कल्पवृक्ष देती, ऐलतिरा साज
अवखळ लाटांची, पैलतीरा गाज
नभी रंग रेषा, वारे अन पक्षी
जळी तरंग मासे, झरे बघ नक्षी
क्षितीज खुणावे, म्हणे चल दूर देशी
सोनेरी बिंब, हळूच जाता लयासी
दूर विहरी नौका, डोले लहरी संगे
दर्याचा निरोप घेता, आठवणी सांगे
- नेहा
