#मराठी भाषा २९ - चिकटणे/ चिटकणे

मूळ शब्द "चिकट" असा आहे. म्हणजेच एखाद्या गोष्टीशी घनिष्ठ संबंध आल्यास तशाच स्थितीत राहणारी, अलग न होणारी अशी गोष्ट किंवा तिचा गुणधर्म.

म्हणून "चिकटणे", "चिकटवणे" हे योग्य.
"चिटकणे", "चिटकवणे" अयोग्य.

चिक - चिकट - चिकटा - चिकटणे - चिकटवणे ..ही प्रमाण मराठी भाषेतील रूपे आहेत.
मराठी लेखन-कोशातील संदर्भानुसार चिटकवणे अयोग्य आहे. बोलभाषेच्या संवादामध्ये किंवा काही बोलींमध्ये चिटकवणे असा शब्द वापरला जातो. आपण कोणत्या पद्धतीचे लेखन करत आहोत (प्रमाण की बोली) किंवा संवाद करत आहोत यावर अवलंबून असते.
प्रमाण भाषेचा आग्रह बोलीत धरता येत नाही. (परंतु त्यामुळेच गोंधळ होतात.)

- नेहा लिमये 

(संदर्भ: मराठी लेखन कोश - अरुण फडके )